إخلاء مسؤلية أمام الله وأمامكم : اولاً انا مش مسؤول عن اي حد سواء من الشباب العرسان او اولياء الامور ،انا كل اللي بحاول اعمله أن ربنا يستخدمني وينفع بي وأقدر اوصل الناس اللي عايزه تيسر الزواج ببعض ( طبعاً بدون قايمة ) والحمد لله عملنا موقع وان شاء الله من اول الشهر اللي جاي هنعمل ورشة نجارة بأسعار التكلفة ركزوا معايا أحنا علي النت يعني عالم مفتوح فيه الكويس والمُحترم صاحب الخُلق والدين وفيه النصاب والحرامي والكذاب والي مش بيتقي ربنا سواء من العرسان او اولياء الامور او البنات نفسهم نصيحتي لولي الأمر اولاً جدد نيتك في انك عايز تسهل علي شاب مُسلم عايز يِعف نفسه ويتجوز زي ما سيدنا النبي صلي الله عليه وسلم اتجوز ثانياً لازم حضرتك تسأل عليه في كل مكان المسجد والشغل ومكان سكنه تسأل اكتر من مره واكتر من حد وخليك في اهل الدين والصلاح ويسر عليه في الطلابات اوي وقوله اهم حاجه عندي تتقي ربنا في بنتي وسيبك من الشقة المِلك والذهب والله اهم حاجه الشاب اللي حضرتك بعد عُمرٍ طويل هتسيب بنتك او أختك معاه نصيحتي للعريس اولاً جدد نيتك انك عايز تعمل بسُنة النبي صلي الله عليه وسلم وتعف نفسك ثانياً تتقي ربنا في بنت الناس اللي انت رايحلهم وتعاملها زي ما كانوا اهلها بيعاملوها وخليك عارف ان بنات الناس مش لعبه بنات الناس مش بتتهان في بيوت الرجال سيدك النبي صلي الله عليه وسلم عُمره ابداً ما ضرب او هان واحده من زوجاته وهو اللي قال خيركم خيركم لأهله وانا خيركم لأهلي ثالثاً اول لما تلاقي البيت مُحترم وفيه دين والبيت فيه راجل ليه كلمه في بيته والبنت عندها حياء ولبسها مُحترم وفاهمة أن اعظم عمل للمرأة هي جلوسها في بيت زوجها وتربية اولادها وإخراج نشأ مُسلم بجد ينفع امه الاسلام ،دي اوعي تسيبها ابداً ربنا يجمع الطيبين ببعض ويحفظنا وإياكم من شياطين الأنس ان شاء الله هخلي الكلمتين دول علي صفحتي لأي حد لسه داخل الصفحة جديد ربنا يسعدكم وييسرلكم سُبل الخير والحلال

الشيخ : عبد الكريم محمود

مؤسس وصاحب المبادرة